Дауды (жанжалды) партисипативтік рәсім тәртібімен реттеу
Партисипативтік рәсім екі тараптың да адвокаттарының дауды реттеуге жәрдемдесуімен тараптар арасында келіссөздер жүргізу арқылы судьяның қатысуынсыз өткізіледі және тараптардың соттың кеңесу бөлмесіне кетуіне дейін партисипативтік рәсімімен реттеу туралы өтінішхат беруге құқығы бар. Партисипативтік рәсім мынадай қағидаттар негізінде жүргізіледі: 1) тараптардың қатысу еріктілігі; 2) тараптардың келіссөздердегі тең құқығы; 3) партисипативтік рәсімге араласуға жол бермеу; 4) партисипативтік рәсімнің шеңберінде келіссөздерге қатысатын, өзінің сенім білдірушінің мүддесіне әрекет ететін адвокат әрекеттерінің «Адвокаттық қызмет туралы» Қазақстан Республикасының Заңына сәйкес келуі. 4.3. Партисипативтік рәсімге қатысу шарты адвокатпен жасалған тапсырма шартында, сондай-ақ іс жүргізуінде дау қаралып отырған сотқа партисипативтік рәсім тәртібімен дауды реттеу туралы тараптың өтінішхатында айтылған тараптардың өзара еріктерін білдіру болып табылады. 4.4. Іс бойынша тараптар және екі тараптың адвокаттары партисипативтік рәсімге қатысушылар болып табылады. 4.5. Жеке және (немесе) заңды тұлғалар қатысатын азаматтық, еңбек, отбасылық және өзге де құқық қатынастарынан туындайтын дауларды реттеу кезінде адвокаттардың қатысуымен партисипативтік рәсімдегі келіссөздер сотқа жүгінгенге дейін де, сот талқылауы басталғаннан кейін де қолданылуы мүмкін.
4.6. Азаматтық сот ісін жүргізу шеңберінде партисипативтік рәсімді жүргізу тараптардың бірі сотта ол туралы АПК-да көзделген мерзімде және тәртіппен мәлімдеген күннен басталады. 4.7. Партисипативтік рәсім тоқтатылған жағдайда тараптар іс жүргізуінде азаматтық іс жатқан сотқа: 1) дау реттелген жағдайда - дауды партисипативтік рәсім тәртібімен реттеу туралы қол қойылған келісімді; 2) өзге жағдайларда - дауды партисипативтік рәсім тәртібімен реттеу туралы келісім жасау мүмкін болмауына байланысты істі мәні бойынша қарау күнін тағайындау туралы жазбаша арыз жібереді. Мұндай мән-жайлар кезінде судья тараптарды партисипативтік рәсім өткізу барысында алынған дәлелдемелер мен құжаттарды ұсынуды міндеттеуі мүмкін; талап қоюшыдан талаптың мәні бойынша арыздың талаптарын сұрайды, одан дауланып отырған фактілерді анықтайды, жауапкердің тарапынан болуы мүмкін қарсылықтарды, егер қажет болса, қосымша дәлелдемелер беру жөнінде ұсыныс жасайды, тараптарға олардың процестік құқықтары мен міндеттерін түсіндіреді. 4.8. Тараптар партисипативтік рәсімді таңдау кезінде соттың іс бойынша іс жүргізуді тоқтата тұруға құқығы бар. 4.9. Келісімге келген жағдайда іс жүргізуінде іс жатқан судья дауды партисипативтік рәсім тәртібімен реттеу туралы келісімнің мазмұнын тексереді және оны бекіту және іс бойынша іс жүргізуді тоқтату туралы ұйғарым шығарады (№ 3 қосымша.
Дауды партисипативтік рәсім тәртібімен реттеу туралы келісімнің үлгісі). 4.10. Келісімде партисипативтік рәсімнің тараптары, даудың нысанасы, келіссөздерге қатысқан адвокаттар туралы деректер, сондай-ақ тараптар келіскен келісімнің шарттары, оларды орындау тәсілдері мен мерзімдері және оларды орындамаудың немесе тиісінше орындамаудың салдары қамтылуға тиіс. Келісімге тараптар және олардың адвокаттары қол қоюға тиіс. 4.11. Сот дауды партисипативтік рәсім тәртібімен реттеу туралы келісімді бекіту және іс бойынша іс жүргізуді тоқтату туралы ұйғарым шығарады, онда: 1) дауды партисипативтік рәсім тәртібімен реттеу туралы бекітілетін келісімнің шарттарын және оны орындау мерзімдерін көрсетеді; 2) дауды партисипативтік рәсім тәртібімен реттеу туралы келісімді бекітеді; 3) іс бойынша іс жүргізуді тоқтатады; 4) сот шығындарын бөледі (АПК-нің 115-бабы, АПК-нің 176-бабының төртінші бөлігі); Егер партисипативтік келісімде сот шығындарын (мемлекеттік бажды және сот шығындарын) бөлу шарты көрсетілмесе, олар АПК-нің 176-бабының төртінші бөлігіне сәйкес өзара өтелген болып танылады. 5) төленген мемлекеттік баждың бюджеттен Салық кодексінің 548-бабының және АПК-нің 109-бабы екінші бөлігінің ережелері ескеріле отырып, қайтарылғанын көрсетеді. 4.12. Дауды (жанжалды) партисипативтік рәсім тәртібімен реттеу туралы келісіммен аяқталған істер бойынша сот актілері кассациялық тәртiппен қайта қаралуға жатпайды.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
