Шанхай ынтымақтастық ұйымының Аймақтық терроризмге қарсы құрылымы аясындағы Құпия ақпараттарды қорғауды қамтамасыз ету жөнiндегi келiсiмiне қол қою туралы

Қазақстан Республикасы Президентінің 2004 жылғы 16 маусымдағы N 1398 Жарлығы

  Қаулы етемін:

      1. Шанхай ынтымақтастық ұйымы аясындағы Аймақтық терроризмге қарсы құрылымының Құпия ақпараттарды қорғауды қамтамасыз ету жөнiндегi келiсiмiнiң жобасы мақұлдансын.

      2. Шанхай ынтымақтастық ұйымы аясындағы Аймақтық терроризмге қарсы құрылымының Құпия ақпараттарды қорғауды қамтамасыз ету жөнiндегi келiсiмге қол қойылсын.

      3. Осы Жарлық қол қойылған күнiнен бастап күшiне енедi.

      Қазақстан Республикасының      Президентi

Қазақстан Республикасы  Президентінің       2004 жылғы 16 маусымдағы N 1398 Жарлығымен    Мақұлдаған       

  Шанхай ынтымақтастық ұйымының Аймақтық терроризмгеқарсы құрылымы шеңберiндегi құпия ақпараттықорғауды қамтамасыз ету туралыКелісім жобасы

      Бұдан әрi Тараптар деп аталатын Қазақстан Республикасы, Қытай Халық Республикасы, Қырғыз Республикасы, Ресей Федерациясы, Тәжiкстан Республикасы, Өзбекстан Республикасы (бұдан әрi - мемлекеттер) және Шанхай ынтымақтастық ұйымы,      Тараптардың ынтымақтастығы барысында құпия ақпаратты қорғауды қамтамасыз етуге ұмтылып,      2001 жылғы 15 маусымдағы Терроризмге, сепаратизмге және экстремизмге қарсы күрес туралы  Шанхай конвенциясын және 2002 жылғы 7 маусымдағы Шанхай ынтымақтастық ұйымына мүше мемлекеттердiң арасындағы Аймақтық терроризмге қарсы құрылым туралы  келiсiмдi назарға ала отырып,      төмендегiлер туралы келiстi:

  1-бап

      Осы Келiсiмнiң мақсаттары үшiн қолданылған терминдер:      мемлекеттiк құпия - заңсыз таратылған жағдайда мемлекеттердiң қауiпсiздiгi мен мүдделерiне нұқсан келтiретiн, мемлекеттердiң ұлттық заңнамаларына сәйкес қорғалатын кез келген нысандағы мәлiметтер;      құпия ақпарат - мемлекеттердiң ұлттық заңнамаларына сәйкес, мемлекеттiк құпия ретiнде қорғалатын, кез келген нысандағы, Тараптардың ынтымақтастығы үдерiсiнде алынған (берiлген) және (немесе) құрылған (пайда болған), ал Шанхай ынтымақтастық ұйымы Аймақтық терроризмге қарсы құрылымында - құпия ақпаратпен жұмыс iстеу ережелерiне сәйкес мәлiметтер;      құпия ақпаратты (мемлекеттiк құпияларды) тасушылар - құпия ақпараттық нышандар, үлгiлер, белгiлер, техникалық шешiмдер және үдерiстер түрiндегi өз көрiнiсiн табатын материалдық объектiлер, соның iшiнде физикалық өрiстер;      құпия ақпаратты қорғау - құпия ақпараттың заңсыз таратылуын болдырмау және оны тасушыларды сақтау мақсатында қолданылатын құқықтық, әкiмшiлiк, ұйымдастырушылық, инженерлiк-техникалық және өзге де шаралар;      құпия ақпаратты заңсыз тарату - құпия ақпаратты заңсыз жариялауға беру немесе осы ақпаратты таратудың белгiленген тәртiбiн (ережесiн) бұзу салдарынан оларға енуге рұқсаты жоқ тұлғаларға белгiлi болуы;      құпиялылық белгiсi - құпия ақпаратты (мемлекеттiк құпияны) тасушыға қойылған және (немесе) оның тасушысында тұрған мәлiметтердiң құпиялылығы дәрежесiн куәландыратын iлеспе хатта көрсетiлген деректеме;      мемлекеттiк құпияны бiлуге рұқсат - мемлекеттiк құпияны бiлуге рұқсат беруге жеке тұлғалар құқығын ресiмдеу рәсiмi;      құпия ақпаратқа ену - мемлекеттiк құпияны бiлуге тиiстi рұқсаты бар жеке тұлғаның құпия ақпараттармен таныстыру үдерiсi;      рұқсат нысаны - мемлекеттердiң ұлттық заңнамаларына сәйкес ресiмделетiн, жеке тұлғаның тиiстi құпиялылық дәрежесi бар мемлекеттiк құпиялармен танысу құқығын бекiтетiн құжат;      тергеу - құпия ақпаратты заңсыз тарату жағдайларын, оған қатысы бар тұлғаларды, келтiрiлген нұқсанның сипаттамасы мен көлемiн, сондай-ақ құпия ақпараттың заңсыз таратылуына жол берген себептер мен жағдайларды анықтау мақсатында Тараптар мемлекеттердiң ұлттық заңнамаларына және қабылданған рәсiмдерге сәйкес қабылданатын тәртiптiк, әкiмшiлiк, қылмыстық iс жүргiзу және өзге де шаралар жиынтығы;      Тараптар өкiлдерi - Тараптардың органдары немесе ұйымдарының лауазымды және (немесе) өзге де уәкiлеттi адамдары дегендi бiлдiредi.

  2-бап

      1. Осы Келiсiмнiң мәнi құпия ақпаратты қорғау саласында және олардың заңсыз таратылуының ықтимал деректерiн тергеуде Тараптардың құзыреттi органдарының ынтымақтастығы болып табылады.      2. Тараптардың құзыреттi органдары арасында құпия ақпаратты беру тiкелей, елшiлiк арналар, фельдъегерлiк қызмет бойынша немесе берiлетiн ақпараттың қорғалуын қамтамасыз ететiн ақпаратты берудiң техникалық құралдарын пайдалану арқылы жүзеге асырылады.

  3-бап

      1. Егемендiк теңдік, басқа мемлекеттердiң iшкi iстерiне араласпау, ұлттық заңнамалар мен осы Келісім қағидаттарына сәйкес әрбiр мемлекет өзiнiң мiндеттерiн осы Келiсiмге сәйкес жүзеге асырады.      2. Осы Келісімде ешнәрсе де Тараптарға тек қана басқа Тараптың құзыретiне кiретiн құзыры мен функцияларын жүзеге асыру құқығын мүдделей алмайды.

  4-бап

      Құпия ақпаратты бар зияткерлiк қызметтiң нәтижелерiне ерекше меншiктiк құқық және осындай ақпаратты тасушыларға меншiктiк құқық берудi берушi Тараптардың құзыреттi органы жүзеге асырады.      Тараптардың құзыреттi органдарының ынтымақтастығы барысында жасалынған құпия ақпаратты бар зияткерлiк қызметiнiң нәтижелерiне ерекше құқықтар туралы мәселелер, сондай-ақ ынтымақтастық барысындағы құпия ақпаратты заңсыз таратылған жағдайда ықтимал нұқсанды өтеуге қатысты талаптарды реттеу тәртiбi мемлекеттердiң ұлттық заңнамалары, Шанхай ынтымақтастық ұйымының Аймақтық терроризмге қарсы құрылымының рәсiмдерi және халықаралық шарттар негiзiнде шешiледi.

  5-бап

      Осы Келiсiм шеңберiнде Тараптардың құзыреттi органдары алмаса алатын құпия ақпараттың құпиялылық дәрежелерi және тасушылар үшiн осы дәрежелерге сәйкес келетiн құпиялылық белгiлерi төмендегiдей түрде салыстырылады:

      Қазақстан Республикасында     - өте құпия, құпия

      Қытай Халық Республикасында   - құпия, жасырын

      Қырғыз Республикасында        - өте құпия, құпия

      Ресей Федерациясы             - өте құпия, құпия

      Тәжiкстан Республикасы        - өте құпия, құпия

      Өзбекстан Республикасы        - өте құпия, құпия

      Шанхай ынтымақтастық ұйымында - өте құпия, құпия.

  6-бап

      1. Мемлекеттер осы Келiсiмдi iске асыруға жауапты құзыреттi органдарды белгiлейдi және осы Келiсiмнiң күшiне енуi үшiн қажеттi мемлекетiшiлiк рәсiмдер орындалған күннен бастап отыз күн iшiнде депозитарийдi жазбаша түрде хабардар етедi.      2. Шанхай ынтымақтастық ұйымы тарапынан құзыреттi орган Шанхай ынтымақтастық ұйымының Аймақтық терроризмге қарсы құрылымы болып табылады.

  7-бап

      Тараптардың құзыреттi органдары ұлттық заңнамаларда, Шанхай ынтымақтастық ұйымының Аймақтық терроризмге қарсы құрылымның Кеңесi қабылдаған Шанхай ынтымақтастық ұйымының Аймақтық терроризмге қарсы құрылымында құпия ақпаратпен жұмыс iстеу ережелерiнде және осы Келiсiмде көзделген тәртiпте ынтымақтастық барысында пайдаланылатын құпия ақпаратты қорғауды қамтамасыз етедi.

  8-бап

      Шанхай ынтымақтастық ұйымының Аймақтық терроризмге қарсы құрылымының Атқарушы комитетiнде құпия ақпаратты қорғауға жауапты арнайы уәкiлеттi адамдар тағайындалады, олар құпия ақпарат тасушыларды алады, сақтайды, көбейтедi, таныстырады, бередi және жояды, оларды пайдалануды қадағалайды.      Мемлекеттерде құпия iс жүргiзу ұлттық заңнамаларға, ал Шанхай ынтымақтастық ұйымының Аймақтық терроризмге қарсы құрылымында - құпия ақпаратпен жұмыс iстеу ережелерiне сәйкес жүргiзiледi.

  9-бап

      1. Әрбiр мемлекет және Шанхай ынтымақтастық ұйымы:      құпиялылық дәрежесiне осы Келiсiмнiң 5-бабына сәйкес салыстырмалы құпиялылық дәрежесi бар мемлекеттiк құпияларға қатысты қолданылатын тиiстi құпиялылық дәрежесiмен қорғау шараларын қолдану;      басқа мемлекеттер ресiмдеген мемлекеттiк құпияларға рұқсаттарды тану;      Тараптардың өкiлдерiне оларға мемлекеттiк құпияларды қорғау кезiнде қойылатын құпия ақпаратты қорғауды қамтамасыз ету жөнiндегi мiндеттердi жүктеу;      Тараптардың өздерi азаматы болып табылатын мүше мемлекеттерде ресiмделген мемлекеттiк құпияны бiлуге рұқсаты бар өкiлдерiне Тараптар ынтымақтастығы шеңберiнде қызметтiк мiндеттердi атқару мақсатында құпия ақпаратқа рұқсат беру;      басқа Тараптардан алынған құпия ақпаратты тек қана оны беру кезiнде көзделген мақсаттарға сай пайдалану;      құпия ақпаратты берген Тараптың алдын ала жазбаша келiсiмiнсiз оны үшiншi тарапқа бермеу үшiн тиiсiнше заңнамалық және басқа да шаралар, сондай-ақ ережелер қабылдайды.      2. Әрбiр мемлекет ұлттық заңнамаларының негiзiн қалайтын қағидаттарына сәйкес, ауыр салдарларға әкелiп соқтырған құпия ақпаратты қасақана заңсыз таратуды қылмыстық жазалауға жататын әрекет ретiнде тануы үшiн талап етiлуi мүмкiн заңнамалар мен басқа да шаралар қабылдайды.

  10-бап

      1. Әрбiр мемлекет өздерi Шанхай ынтымақтастық ұйымының Аймақтық терроризмге қарсы құрылымына құпия ақпаратты пайдалануға қатысы бар тұрақты жұмысқа жiберiлетiн адамдарға мемлекеттiк құпияларға ену үшiн рұқсаттың тиiстi нысанын ресiмдейдi және бұл туралы Шанхай ынтымақтастық ұйымы Аймақтық терроризмге қарсы құрылымының Атқарушы комитетiн жазбаша нысанда хабардар етедi.      Бiр рет келiп кететiн адамдарда, қажет болған жағдайда мемлекеттiк құпияға ену үшiн рұқсаттың тиiстi нысаны болуға тиiс.      2. Шанхай ынтымақтастық ұйымы Аймақтық терроризмге қарсы құрылымының Атқарушы комитетi мемлекеттердi өздерiнiң лауазымды адамдарында мемлекеттiк құпияларға ену үшiн рұқсаттардың тиiстi нысандарының бар екенiн хабарлайды.

  11-бап

      Мемлекеттердiң құпия ақпаратты беруi ұлттық заңнамаларға, ал Шанхай ынтымақтастық ұйымының Аймақтық терроризмге қарсы құрылымында - құпия ақпаратпен жұмыс icтеу ережелерiне сәйкес жүзеге асырылады.

  12-бап

      1. Құпия ақпаратты алуға жауапты құзыреттi орган алынған құпия ақпаратты тасушыларға осы Келiсiмнiң 5-бабына сәйкес құпиялылық белгiсiнiң салыстырмалылығы туралы қосымша бұрыштама басады.      Құпиялылық белгiсiнiң салыстырмалылығы туралы бұрыштама басу аударма, көшiрме жасау немесе көбейту нәтижесiнде пайда болған құпия ақпаратты тасушыларға мiндеттi түрде қойылады.      Егер құпия ақпарат басқа тасушыға ауыстырылған немесе көшiрiлген жағдайда онда оған түпнұсқаның құпиялылық белгiсiне сәйкес келетiн құпиялылық белгiсiн салыстырмалылығы туралы бұрыштама басылады.      Берiлген құпия ақпараттың негiзiнде пайда болған құпия ақпаратты тасушыға берiлген құпия ақпараттың құпиялылық белгiсiнен төмен емес құпиялылық белгiсiнiң салыстырмалылығы туралы бұрыштама басылады.      Мемлекеттердiң құзыреттi органдары құпия ақпаратты тасушыларды осы Келiсiмнiң 5-бабына сәйкес салыстырмалы құпиялылық белгiсi бар өздерiнiң мемлекеттiк құпияларды тасушыларына қатысты қолданылатын талаптарына сәйкес, ал Шанхай ынтымақтастық ұйымының Аймақтық терроризмге қарсы құрылымында - құпия ақпаратпен жұмыс iстеу ережелерiне сәйкес есепке алады, сақтайды және жояды.      2. Алынған құпия ақпараттың құпиялылық дәрежесi тек берген Тараптың жазбаша рұқсатымен ғана өзгертiледi немесе алынады.      3. Тараптардың құзыреттi органдарының ынтымақтастығы барысында жасалған зияткерлiк қызмет нәтижелерiнде бар құпия ақпараттың құпиялылық дәрежесiн өзiнiң ұлттық заңнамаларының негiзiнде немесе құпия ақпаратпен жұмыс iстеу ережелерiне сәйкес жасалған зияткерлiк қызмет нәтижесiнiң ерекше құқығының иегерi анықтайды.      4. Құпия ақпаратты тасушының жойылғандығы туралы оны берген Тараптың құзыреттi органы жазбаша хабардар етiледi.

  13-бап

      1. Құзыреттi органдар осы Келiсiмнiң iске асырылуына қажеттi көлемде мемлекеттiк құпияларды және құпия ақпаратты қорғау саласында өз Тараптарының тиiстi нормативтiк-құқықтық актiлерiмен, өзге де актiлерiмен және рәсiмдерiмен өзара алмасады.      2. Ынтымақтастықты қамтамасыз ету мақсатында Тараптардың құзыреттi органдары осы Келiсiмдi iске асыру кезiнде олардың бiреуiнiң сұрауы бойынша бiрлескен кеңестер өткiзедi.

  14-бап

      1. Жiберушi Тараптың өкiлдерiнiң олардың құпия ақпаратқа енуiне рұқсатты көздейтiн, қабылдаушы Тараптың құзыреттi органына баруы қабылдаушы Тараптың құзыреттi органының Тараптардың ұлттық заңнамаларына немесе рәсiмдерiне және осы Келiсiмге сәйкес қабылданған шешiмi бойынша жүзеге асырылады.      2. Жiберушi Тарап өкiлдерiнiң бару мүмкiндiгi тұрғысынан өтiнiш, егерде құзыреттi органдар өзгеше келiспесе, қабылдаушы Тараптың құзыретті органына межеленген кездесуге кемiнде отыз күн қалғанға дейiн жолданады.      Аталған өтiнiш қабылдаушы Тарапта қабылданған заңнамаларға немесе рәсiмдерге сәйкес жазылады, онда төмендегi мәлiметтер қамтылуға тиiс:      Тарап өкiлiнiң тегi, аты, әкесiнiң аты, оның азаматтығы, жеке басын куәландыратын құжат (төлқұжат) нөмiрi;      лауазымы көрсетiлген өзi өкiлi болып табылатын органның атауы;      тиiстi құпиялылық дәрежесi бар мемлекеттiк құпияға ену рұқсатының бар болуы;      танысуы қажет құпия ақпарат;      барудың межеленген күнi, жоспарланған ұзақтығы және мақсаты.      3. Қабылдаушы Тараптың тиiстi құзыреттi органы жiберушi Тараптың өкiлдерiн қабылдаушы Тараптың тиiстi құпиялылық дәрежелi құпия ақпаратпен (мемлекеттiк құпиямен) жұмыс iстеу ережесiмен таныстырады;      Жiберушi Тараптың өкiлдерi көрсетiлген ережелердi сақтайды.      Жiберушi Тараптың өкiлдерi өздерiнiң қабылдаушы Тараптың тиiстi құпиялылық дәрежелi құпия ақпаратпен (мемлекеттiк құпиямен) жұмыс iстеу ережесiмен танысу және оларды сақтау фактiсiн жазбаша куәландырады.      4. Жiберушi Тарап өкiлiнiң құпия ақпаратқа (мемлекеттiк құпияға) енуi осы бапта көрсетiлген талаптарды орындаған жағдайда ғана жүзеге асырылады.

  15-бап

      Егер тиiстi Келiсiмде өзгеше көзделмесе, өздерiнiң аумағында құпия ақпаратты қорғау жөнiндегi шараларды жүзеге асыруға байланысты пайда болған барлық шығыстарды мемлекеттер әрқайсысы өздерi көтередi.      Шанхай ынтымақтастық ұйымының Аймақтық терроризмге қарсы құрылымында құпия ақпаратты қорғауды қамтамасыз етуге жұмсалатын шығыстар Шанхай ынтымақтастығы ұйымының бюджетiнен жүзеге асырылады.

  16-бап

      1. Құпия ақпаратты заңсыз тарату фактiлерi анықталған жағдайда Тараптар консультация өткiзедi, талқылау жүргiзiп, нәтижелерi туралы бiрiн бiрi хабардар етедi.      2. Құпия ақпараттың заңсыз таратылуына жол берген тұлға қандай жағдайда да осындай жолсыздық өзi азаматы болып табылатын мемлекеттiң құзырында болады. Егер бұл тұлғаның азаматтығы жоқ болса, онда ол өзi тұрақты тұрып жатқан мемлекет құзырында болады.      3. Мемлекеттер құпия ақпараттың заңсыз таралуын тергеу кезiнде - ұлттық заңнамаларды, ал Шанхай ынтымақтастық ұйымының Аймақтық терроризмге қарсы құрылымы - онда қабылданған тәртіптік рәсiмдердi қолданады.      4. Мемлекеттер ұлттық заңнамаларда және өз араларындағы қолданыстағы құқықтық көмек, қылмыстық өндiрiстердi беру және өзара алмасу мәселелерi жөнiндегi халықаралық шарттарда көзделген тәртiпте құпия ақпаратты заңсыз таратуға байланысты тергеуде, iздестiруде және соттық талқылауда бiр-бiрiне барынша кең көлемде көмек көрсетедi.      Шанхай ынтымақтастық ұйымының Аймақтық терроризмге қарсы құрылымы қабылданған рәсiмдерге сәйкес тергеудi жүзеге асырып жатқан мемлекетке оны жүргiзуде барынша кең көлемде көмек көрсетедi.      5. Құпия ақпараттың меншiк құқығы иесiне оны заңсыз таратумен келтiрiлген залалдың көлемi мен оны өтеу тәртiбi Тараптар арасындағы бөлек келiсiмдермен айқындалады.

  17-бап

      Осы Келiсiм Тараптардың осы Келiсiмнiң мәнi болып табылатын және оның мақсаттарына қайшы келмейтiн мәселелер бойынша басқа халықаралық шарттар жасасуға шектеу қоймайды, сондай-ақ Тараптардың олар қатысушы болып табылатын өзге де халықаралық келiсiмдерден туындайтын құқықтары мен мiндеттерiне қол сұқпайды.

  18-бап

      Осы келiсiмдi түсiндiруге немесе қолдануға қатысты даулар тараптар арасындағы келiссөздер немесе консультациялар арқылы шешiледi.

  19-бап

      Осы Келiсiм шеңберiндегі ынтымақтастықты жүзеге асырудағы жұмыс тілi орыс және қытай тiлдерi болып табылады.

  20-бап

      Осы Келiсiмге Тараптардың келiсiмi бойынша өзгерiстер енгiзiлуi мүмкiн, олар осы Келiсiмнiң ажырамас бөлiгi болып табылатын хаттамалармен ресiмделедi және аталған Келiсiмнiң 21-бабында белгiленген тәртiпте күшiне енедi.

  21-бап

      1. Осы Келiсiм мемлекеттердiң депозитарийi осы Келiсiмнiң күшiне енуiне қажеттi мемлекетiшiлiк рәсiмдердi олардың орындағаны туралы жазбаша хабарлардың соңғысын алғаннан кейiн отызыншы күнi күшiне енедi.      2. Осы Келiсiмнiң депозитарийi Шанхай ынтымақтастық ұйымының хатшылығы болып табылады. Депозитарий мемлекеттерге осы Келiсiмнiң ресми көшiрмелерiн оған қол қойылған күнiнен бастап он бес күн iшiнде жiбередi.      3. Депозитарий мемлекеттерден осы Келiсiмнiң 6-бабының 1-тармағында көрсетiлген олар айқындаған құзыреттi органы туралы хабарды алғаннан бастап он бес күн iшiнде басқа мемлекеттердi оның атауы туралы хабардар етедi.

  22-бап

      Осы Келiсiм 2001 жылғы 15 маусымдағы Терроризмге, сепаратизмге және экстремизмге қарсы күрес туралы  Шанхай конвенциясына қатысушы басқа да мемлекеттердiң қосылуына ашық. Қосылған мемлекет үшiн осы Келiсiм депозитарий оның қосылуы туралы құжатты алғаннан кейiн отызыншы күнi күшiне енедi.

  23-бап

      Тараптардың әрқайсысы осы Келiсiмнен шығу үшiн, шығудың межеленген күнiнен он екi ай бұрын депозитарийге жазбаша хабар жолдай отырып, осы Келiсiмнен шыға алады. Депозитарий шығу туралы хабар алған күннен бастап отыз күн iшiнде осы ниет жөнiнде басқа Тараптарды хабардар етедi.      Осы Келiсiмнiң қолданысы тоқтатылған жағдайда құпиялылық белгiсi алынғанға дейiн оның құпия ақпараттарға қатысты ережелерi қолданыла бередi.      200__ жылғы "__" _______ _______ қаласында бiр түпнұсқа данада орыс және қытай тiлдерiнде жасалды, екi тiлдегi мәтiннiң күшi бiрдей.

      Қазақстан Республикасы үшiн

      Қырғыз Республикасы үшiн

      Қытай Халық Республикасы үшiн

      Ресей Федерациясы үшiн

      Тәжiкстан Республикасы үшiн

      Өзбекстан Республикасы үшiн

      Шанхай ынтымақтастық ұйымы үшiн 

Қазақстан Республикасының  

Президенті  

 Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы