Тәуелсіз Мемлекеттер Достастығына қатысушы мемлекеттер күштерінің әуе шабуылына қарсы қорғаныс жөніндегі кезекшілерінің әуе кемесін басып алу (ұшырып әкету) туралы ақпаратты алған кездегі іс-қимылдарын ұйымдастыру туралы келісімді ратификациялау туралы 

Қазақстан Республикасының Заңы 2014 жылғы 30 қаңтардағы № 169-V ҚРЗ 

      2011 жылғы 3 қыркүйекте Душанбеде жасалған Тәуелсіз Мемлекеттер Достастығына қатысушы мемлекеттер күштерінің әуе шабуылына қарсы қорғаныс жөніндегі кезекшілерінің әуе кемесін басып алу (ұшырып әкету) туралы ақпаратты алған кездегі іс-қимылдарын ұйымдастыру туралы келісім ратификациялансын. 

      Қазақстан Республикасының       Президенті                            Н.Назарбаев 

   Тәуелсіз Мемлекеттер Достастығына қатысушы мемлекеттер күштерінің әуе шабуылына қарсы қорғаныс жөніндегі кезекшілерінің әуе кемесін басып алу (ұшырып әкету) туралы ақпаратты алған кездегі іс-қимылдарын ұйымдастыру туралы КЕЛІСІМ 

      Бұдан әрі Тараптар деп аталатын Тәуелсіз Мемлекеттер Достастығына қатысушы мемлекеттер,       әуе кеңістігін қорғау және пайдалану саласындағы әскери ынтымақтастықты дамытуға зор мән бере отырып,       әуе кеңістігін қауіпсіз пайдалануды, терроризмге қарсы іс-қимыл жасауды және Тәуелсіз Мемлекеттер Достастығына қатысушы мемлекеттер күштерінің әуе шабуылына қарсы қорғаныс (бұдан әрі – ӘШҚҚ) жөніндегі кезекшілерінің әуе кемесін (ұшу аппаратын) басып алу (ұшырып әкету) туралы ақпаратты алған кездегі іс-қимылдарын ұйымдастырудың бірыңғай тәсілін қамтамасыз ету мақсатында, 

      төмендегілер туралы келісті: 

   1-бап 

      Тараптар осы Келісімнің ажырамас бөлігі болып табылатын Тәуелсіз Мемлекеттер Достастығына қатысушы мемлекеттер күштерінің әуе шабуылына қарсы қорғаныс жөніндегі кезекшілерінің әуе кеңістігінде террористік акт жасау және (немесе) әуе кемесін (ұшу аппаратын) басып алу (ұшырып әкету) қаупі туралы ақпаратты алған кездегі іс-қимылдарының тәртібі туралы ережеге сәйкес Тәуелсіз Мемлекеттер Достастығына қатысушы мемлекеттер күштерінің ӘШҚҚ жөніндегі кезекшілерінің әуе кемесін (ұшу аппаратын) басып алу (ұшырып әкету) және әуе кеңістігінде әуе кемесін (ұшу аппаратын) пайдаланыла отырып жасалатын террористік актілерді болғызбау туралы ақпаратты алған кездегі іс-қимылдарын ұйымдастыруда ынтымақтасады. 

   2-бап 

      Тараптар осы Келісімді орындауға жауапты уәкілетті органдарды айқындайды және осы Келісімнің күшіне енуі үшін қажетті мемлекетішілік рәсімдерді орындау туралы тиісті хабарламаны немесе қосылу туралы құжатты тапсыру кезінде бұл туралы депозитарийді хабардар етеді. 

   3-бап 

      Осы Келісімді іске асыру жөніндегі қызметті үйлестіру Тәуелсіз Мемлекеттер Достастығына қатысушы мемлекеттер Қорғаныс министрлерінің кеңесіне жүктеледі. 

   4-бап 

      Тараптар осы Келісімді іске асыру барысында ақпарат беруші Тарап оған қатысты құпиялылықты сақтау қажеттігіне негізделіп шарт қойған ақпаратты қорғау режимін қамтамасыз етеді. Осындай ақпаратты беру Тараптар қатысушылары болып табылатын тиісті халықаралық шарттардың және Тараптардың ұлттық заңнамасының негізінде жүзеге асырылады. 

   5-бап 

      Осы Келісімді қолдану және түсіндіру кезінде туындайтын Тараптар арасындағы даулы мәселелер мүдделі Тараптардың консультациялары мен келіссөздері арқылы шешіледі. 

   6-бап 

      Осы Келісім Тараптардың әрқайсысы қатысушысы болып табылатын басқа халықаралық шарттардан туындайтын оның құқықтары мен міндеттемелерін қозғамайды. 

   7-бап 

      Осы Келісім оның күшіне енуі үшін қажетті мемлекетішілік рәсімдерді оған қол қойған Тараптардың орындағаны туралы үшінші хабарламаны депозитарий алған күннен бастап 30 күн өткен соң күшіне енеді.       Мемлекетішілік рәсімдерді кешіктіріп орындаған Тараптар үшін осы Келісім депозитарий тиісті құжаттарды алған күннен бастап 30 күн өткен соң күшіне енеді. 

   8-бап 

      Тараптардың келісімі бойынша осы Келісімге оның ажырамас бөлігі болып табылатын, тиісті хаттамамен ресімделетін өзгерістер мен толықтырулар енгізілуі мүмкін. 

   9-бап 

      Осы Келісім ол күшіне енгеннен кейін депозитарийге қосылу туралы құжат беру жолымен Тәуелсіз Мемлекеттер Достастығына қатысушы кез келген мемлекеттің қосылуы үшін ашық. Қосылатын мемлекет үшін Келісім депозитарий қосылу туралы құжатты алған күнінен бастап 30 күн өткен соң күшіне енеді. 

   10-бап 

      Осы Келісім белгіленбеген мерзімге жасалады.       Тараптардың әрқайсысы шығу күніне дейін кемінде 6 ай бұрын депозитарийге өзінің ниеті туралы жазбаша хабарлама жолдай отырып, осы Келісімнің қолданылуы кезінде туындаған қаржылық және өзге де міндеттемелерін реттей отырып, осы Келісімнен шығуы мүмкін. 

      2011 жылғы 3 қыркүйекте Душанбе қаласында орыс тілінде бір түпнұсқа данада жасалды. Түпнұсқа данасы осы Келісімге қол қойған әрбір мемлекетке оның расталған көшірмесін жолдайтын Тәуелсіз Мемлекеттер Достастығының Атқарушы комитетінде сақталады. 

Әзірбайжан Республикасы үшін     Ресей Федерациясы үшін 

  Армения Республикасы үшін    Тәжікстан Республикасы үшін 

  Беларусь Республикасы үшін       Түрікменстан үшін 

Қазақстан Республикасы үшін   Өзбекстан Республикасы үшін 

  Қырғыз Республикасы үшін          Украина үшін 

  Молдова Республикасы үшін 

  2011 жылғы 3 қыркүйектегі      Тәуелсіз Мемлекеттер Достастығына   қатысушы мемлекеттер күштерінің   әуе шабуылына қарсы қорғаныс жөніндегі  кезекшілерінің әуе кемесін басып алу  (ұшырып әкету) туралы ақпаратты алған  кездегі іс-қимылдарын ұйымдастыру   туралы келісімге           қосымша               

   Тәуелсіз Мемлекеттер Достастығына қатысушы мемлекеттер күштерінің әуе шабуылына қарсы қорғаныс жөніндегі кезекшілерінің әуе кеңістігінде террористік акт жасау қаупі және (немесе) әуе кемесін (ұшу аппаратын) басып алу (ұшырып әкету) туралы ақпаратты алған кездегі іс-қимылдарының тәртібі туралы ЕРЕЖЕ 

   І. Жалпы ережелер 

      Осы Тәуелсіз Мемлекеттер Достастығына қатысушы мемлекеттер күштерінің әуе шабуылына қарсы қорғаныс жөніндегі кезекшілерінің әуе кеңістігінде террористік акт жасау және (немесе) әуе кемесін (ұшу аппаратын) басып алу (ұшырып әкету) қаупі туралы ақпаратты алған кездегі іс-қимылдарының тәртібі туралы ереже (бұдан әрі – Ереже) Тәуелсіз Мемлекеттер Достастығына (бұдан әрі – ТМД) қатысушы мемлекеттер басқару органдарының әуе кеңістігінде террористік акт жасау және (немесе) әуе кемесін (ұшу аппаратын) басып алу (ұшырып әкету) қаупі туындаған кездегі іс-қимылдарының тәртібін айқындайды.       Осы Ережеде мынадай негізгі ұғымдар пайдаланылады:       ТМД-ға қатысушы мемлекеттер күштерінің ӘШҚҚ жөніндегі кезекшілері – ТМД-ға қатысушы мемлекеттер қарулы күштері әскери-әуе күштерінің (әуе шабуылына қарсы қорғаныс әскерлері, әскери-әуе күштері мен әуе шабуылына қарсы қорғаныс әскерлері, әуе қорғанысы күштері) ӘШҚҚ жөніндегі кезекшілері;       әскери басқару органы – ТМД-ға қатысушы мемлекеттер қарулы күштерінің ӘШҚҚ жөніндегі жауынгерлік кезекшілік міндеттерін орындайтын командалық пункттері (басқару пункттері);       әуе қозғалысына қызмет көрсету органы (бұдан әрі – ӘҚҚ органы) – әуе қозғалысына қызмет көрсететін және (немесе) әуе кемелерінің ұшуын басқаруды жүзеге асыратын әуе қозғалысына қызмет көрсету және (немесе) әуе кеңістігін пайдаланушылардың ұшуын басқару органы;       әуе қозғалысын ұйымдастыру (әуе қозғалысын басқару) органы (бұдан әрі – ӘҚҰ органы) – әуе кеңістігін пайдалануды жоспарлауға және үйлестіруге, әуе қозғалысын ұйымдастыруға, әуе кеңістігін пайдалануға рұқсат ету тәртібін қамтамасыз етуге, әуе кеңістігін пайдаланудың ұлттық қағидаларын сақтауды бақылауға арналған мемлекеттің арнайы уәкілетті органы;       жедел іздестіру және құтқару органдары – іздестіру және құтқару жұмыстарын жүргізу мақсатында кезекші әуе күштері мен іздестіру және құтқару құралдарын әуеге көтеру туралы шешім қабылдайтын органдар. 

   ІІ. Әуе кеңістігінде террористік акт жасау және (немесе) әуе кемесін (ұшу аппаратын) басып алу (ұшырып әкету) қаупін анықтау 

      Әуе кеңістігінде террористік акт жасау және (немесе) әуе кемесін (ұшу аппаратын) басып алу (ұшырып әкету) қаупін анықтау мақсатында әскери басқару органдары ТМД-ға қатысушы мемлекеттердің құқық қорғау органдарымен, қауіпсіздік органдарымен және ӘҚҚ органдарымен өзара іс-қимыл жасай отырып, әуе кеңістігіндегі жағдай туралы деректерді ұдайы жинауды және анықталған қауіптер туралы ақпарат алмасуды жүзеге асырады.       Аталған деректерді алу көздері:       әуе кеңістігін бақылауды (барлауды) жүзеге асыратын ТМД-ға қатысушы мемлекеттердің күштері мен құралдары;       ӘҚҚ және ӘҚҰ органдары;       әуе кеңістігін пайдалану тәртібін бұзушы әуе кемелеріне (ұшу аппараттарына) тосқауыл қоюға көтерілген әуе кемелерінің экипаждары, оның ішінде ТМД-ға қатысушы мемлекеттердің қарулы күштері әуе кемелерінің экипаждары;       терроризмге қарсы күрес және әуе көлігі объектілерінде қауіпсіздікті қамтамасыз ету саласындағы қызметті жүзеге асыратын ТМД-ға қатысушы мемлекеттердің құқық қорғау органдары, қауіпсіздік органдары және арнайы қызметтері;       әуе кеңістігіндегі және әуе кемелеріндегі жағдайды бақылауды жүзеге асыратын ТМД-ға қатысушы мемлекеттердің басқа да мемлекеттік органдары мен мемлекеттік емес ұйымдары болуы мүмкін.       Әскери басқару органдарының лауазымды адамдары әуе кеңістігінде  террористік акт жасау қаупі туындағаны және (немесе) әуе кемесін (ұшу аппаратын) басып алу (ұшырып әкету) туралы ақпаратты алған кезде:       алынған ақпаратты нақтылауды, бағынысты күштер мен құралдардың әуе кемесін (ұшу аппаратын) басып алу, бөгде адамдардың экипаждың іс-қимылдарына және (немесе) әуе кемесін басқаруға араласуы туралы ақпаратты тексеру жөніндегі қажетті іс-шараларды жүргізуін;       жауапкершілігі шекарасында әуе кемесі (ұшу аппараты) пайдаланыла отырып террористік акт жасау қаупі туындаған және (немесе) әуе кемесін (ұшу аппаратын) басып алған (ұшырып әкеткен) құқық қорғау органдары, қауіпсіздік, ӘҚҰ, ӘҚҚ органдары аумақтық бөлімшелерінің жедел кезекшілерін (кезекшілерін) хабардар етуді және әуе кеңістігінде террористік акт жасау үшін әуе кемесін (ұшу аппаратын) пайдалану және (немесе) әуе кемесін (ұшу аппаратын) басып алу (ұшырып әкету) мүмкіндігі туралы қосымша деректердің болуы туралы ақпаратты нақтылауды;       әуе кеңістігінде террористік акт жасау үшін әуе кемесін (ұшу аппаратын) пайдалану және (немесе) әуе кемесін (ұшу аппаратын) басып алу (ұшырып әкету) мүмкіндігі туралы ақпараттың анықтығын бағалауды;       әуе кеңістігінде террористік акт жасау үшін әуе кемесін (ұшу аппаратын) пайдалану және (немесе) әуе кемесін (ұшу аппаратын) басып алу (ұшырып әкету) қаупін айқындауды ұйымдастырады.       Әуе кеңістігінде террористік акт жасау және (немесе) әуе кемесін (ұшу аппаратын) басып алу (ұшырып әкету) қаупі мынадай:       әуе кемесі (ұшу аппараты) ұшу маршрутынан ауытқыған;       әуе кемесінің (ұшу аппаратының) экипажы ӘҚҰ, ӘҚҚ (ұшуды басқару) органдарының нұсқауларына (командаларына) ден қоймаған;       әуе кемесінің (ұшу аппаратының) экипажы мен ӘҚҰ, ӘҚҚ (ұшуды басқару) органдары арасындағы радиобайланыс жоғалған, ал әуе кемесінің (ұшу аппаратының) экипажы мұндай жағдайда көзделген іс-қимыл жасау тәртібінен бас тартқан;       әуе кемесінің (ұшу аппаратының) экипажы ӘҚҰ, ӘҚҚ (ұшуды басқару) органдарын басқаруға заңсыз араласу актісі туралы хабардар еткен;       әуе кемесі (ұшу аппараты) тыйым салынған аймаққа (ұшу шектелген аймаққа) ӘҚҰ органының рұқсатынсыз жақындаған немесе әуе кемесі (ұшу аппараты) тыйым салынған аймаққа (ұшу шектелген аймаққа) арнайы рұқсатсыз кірген;       әуе кемесінің (ұшу аппаратының) экипажы жерүсті басқару пункттерінің радиокомандаларын және (немесе) оларды тосып алуға көтерілген ТМД-ға қатысушы мемлекеттердің қарулы күштері әуе кемелерінің радиокомандалары мен көрсеткен белгі берулерін орындамаған;       әуе кеңістігінде террористік акт жасау үшін әуе кемесін (ұшу аппаратын) пайдалану және (немесе) әуе кемесін (ұшу аппаратын) басып алу (ұшырып әкету) мүмкіндігі туралы жедел ақпарат алынған (расталған);       әуе кемесін (ұшу аппаратын) бөгде адамдар басып алған және басқарған;       әуе кеңістігінде террористік акт жасаудың және (немесе) әуе кемесін (ұшу аппаратын) басып алудың (ұшырып әкетудің) тікелей қаупі алынған мән-жайлар туралы түсетін ақпаратты бағалау және тексеру нәтижелеріне байланысты айқындалады.       Әуе кеңістігінде террористік акт жасау үшін әуе кемесін (ұшу аппаратын) пайдалану және (немесе) әуе кемесін (ұшу аппаратын) басып алу (ұшырып әкету) мүмкіндігі, сондай-ақ оларды жасау қаупі туралы ақпараттың анықтылығын әскери басқару органдарының лауазымды адамдары Тараптардың ұлттық заңнамасында белгіленген тәртіппен айқындайды. 

   ІІІ. Әуе кеңістігінде террористік акт жасау және (немесе) әуе кемесін (ұшу аппаратын) басып алу (ұшырып әкету) қаупі туындаған кезде ақпарат алмасуды ұйымдастыру 

      ТМД-ға қатысушы мемлекеттер қарулы күштерінің күштері ӘШҚҚ кезекшілерінің әскери басқару органдары халықаралық шарттарға, ТМД-ға қатысушы мемлекеттер ӘШҚҚ біріккен жүйесі әскерлерінің (күштерінің) өзара іс-қимылы жоспарына, күштердің ӘШҚҚ жөніндегі кезекшілерінің өзара іс-қимылы тәртібі туралы нұсқаулықтарға (ережелерге) сәйкес әуе жағдайы туралы ақпаратпен алмасуды ұйымдастырады.       Әуе кемесін (ұшу аппаратын) пайдалана отырып террористік акт жасау қаупі туындаған және (немесе) басып алу (ұшырып әкету) кезінде:       әскери басқару органдарының жедел кезекшілері;       жауапкершілік шекараларында (жауапкершілік шекаралары түйіскен жерлерде) әуе кеңістігінде террористік акт жасау және (немесе) әуе кемесін (ұшу аппаратын) басып алу (ұшырып әкету) қаупі туындаған ТМД-ға қатысушы шектес мемлекеттер қарулы күштері әскери басқару органдарының жедел кезекшілері;       жауапкершілік шекараларында террористік акт жасау және (немесе) әуе кемесін (ұшу аппаратын) басып алу (ұшырып әкету) қаупі туындаған ТМД-ға қатысушы мемлекеттер әскери басқару органдарының жедел кезекшілері мен аумақтық қауіпсіздік (ішкі істер) органдары бойынша кезекшілер;       жауапкершілік шекараларында террористік акт жасау және (немесе) әуе кемесін (ұшу аппаратын) басып алу (ұшырып әкету) қаупі туындаған әскери басқару органдарының жедел кезекшілері, ӘҚҰ органдары бас (ұлттық) орталықтары ауысымдарының аға кезекшілері мен ӘҚҰ органдары ауысымдарының аға кезекшілері арасында үздіксіз ақпарат алмасу ұйымдастырылады.       Бұл ретте әуе кемесі (ұшу аппараты) (рейс нөмірі, типі, тіркеу (борт) нөмірі, экипаж командирінің шақыру белгісі, тұрған жері, нақты бағыты, ұшу жылдамдығы мен биіктігі), қолданылып жатқан шаралар туралы ақпаратты, сондай-ақ басқа да қажетті ақпаратты беру жүзеге асырылады.       Ақпарат алмасу орыс тілінде жүзеге асырылады.       Көрсетілген қандай да бір мәліметтердің болмауы ақпарат беруден бас тартуға негіз болып табылмайды. 

   IV. ТМД-ға қатысушы мемлекеттер күштері ӘШҚҚ жөніндегі кезекшілерінің әуе кеңістігінде террористік акт жасау қаупі туындаған және (немесе) әуе кемесін (ұшу аппаратын) басып алу (ұшырып әкету) кезіндегі іс-қимылы 

      Әуе кеңістігінде террористік акт жасау қаупі туындаған және (немесе) әуе кемесін (ұшу аппаратын) басып алу (ұшырып әкету) кезінде, оның ішінде осы әуе кемесімен (ұшу аппаратымен) ТМД-ға қатысушы шектес мемлекеттің мемлекеттік шекарасынан өтіп кету қаупі болған кезде:       әскери басқару органдарының командалық пункттеріне тиісті командирлер (бастықтар) келеді;       жоғары тұрған және өзара іс-қимыл жасайтын әскери басқару органдары, ӘҚҰ, ӘҚҚ органдары, құқық қорғау органдары, қауіпсіздік органдары, сондай-ақ әуе кемесінің (ұшу аппаратының) болжамды ұшу маршрутындағы жедел іздеу және құтқару органдары хабардар етіледі;       әуе кемесіне (ұшу аппаратына) қатысты келісілген іс-қимылдар үшін ӘҚҰ органдарымен, құқық қорғау органдарымен және қауіпсіздік органдарымен үздіксіз өзара іс-қимыл ұйымдастырылады;       әуе кемесін (ұшу аппаратын), оның сыныптамасын тану, онымен байланыс орнату және бұзуды тоқтатуға нұсқаулар беру үшін шаралар қабылданады;       әуе кемесінің (ұшу аппаратының) болжамды ұшу маршрутындағы іздеу-құтқару күштері әзірлікке келтіріледі;       әуе кемесінің (ұшу аппаратының) болжамды ұшу маршрутындағы ӘШҚҚ-ның жерүсті күштері мен құралдары жауынгерлік міндеттерді орындауға әзірлікке келтіріледі;       ТМД-ға қатысушы мемлекеттердің қарулы күштері әуе кемелері экипаждарының ӘШҚҚ жөніндегі кезекшілері әуеге көтеріледі;       заңсыз басып алуға (ұшырып әкетуге) ұшыраған және (немесе) әуе кеңістігінде террористік акті жасау қаупі бар әуе кемесінің (ұшу аппаратының) экипажына жерүсті басқару пункттерінің халықаралық практикада қабылданған радиокомандалары және (немесе) ТМД-ға қатысушы мемлекеттер қарулы күштерінің тосқауыл қоюға көтерілген әуе кемелері беретін радиокомандалар, көзге көрінетін сигналдар беріледі;       әуе кеңістігін пайдалану қауіпсіздігін қамтамасыз ету жөнінде іс-шаралар жүргізіледі;       ӘШҚҚ біріккен жүйесі әскерлерінің (күштерінің) өзара іс-қимыл жоспарына, халықаралық шарттарға, сондай-ақ ТМД-ға қатысушы мемлекеттер күштері әуе шабуылына қарсы қорғаныс жөніндегі кезекшілерінің өзара іс-қимылы жөніндегі нұсқаулықтарға сәйкес ТМД-ға қатысушы шектес мемлекеттің әскери басқару органдарына әуе кемесі (ұшу аппараты) және қабылданатын шаралар туралы ақпарат беру ұйымдастырылады.       Әуе кемесін (ұшу аппаратын) пайдалана отырып террористік акт жасау қаупін және (немесе) әуе кемесін (ұшу аппаратын) басып алуды (ұшырып әкетуді) болғызбау үшін ТМД-ға қатысушы мемлекеттің қарулы күштерінің әуе кемелерін қолдану мүмкіндігі болмаған кезде ТМД-ға қатысушы шектес мемлекет қарулы күштерінің әуе кемелері қолданылуы мүмкін. Бір мемлекеттің мемлекеттік шекарасын екінші мемлекеттің кесіп өтуі және оның аумағының үстінде қарулы күштерінің қаруы мен жауынгерлік техникасын қолдану тәртібі осы мемлекеттердің халықаралық шарттарымен айқындалады.       ТМД-ға қатысушы мемлекеттің қарулы күштерінің әуе кемелерін қолдану мүмкін болмаған кезде ӘШҚҚ жерүсті (корабльдік) күштерінің қаруы қолданылады. Әуе кемесіне (ұшу аппаратына) қатысты қару қолдану туралы ескерту радиобайланыс құралдары пайдаланыла отырып жүзеге асырылады.       Террористік акт жасау үшін пайдаланылатын әуе кемесін (ұшу аппаратын) жою үшін қару мен жауынгерлік техника оны қондыру үшін қалыптасқан мән-жайларға негізделген барлық шаралар қолданылған жағдайда Тараптардың ұлттық заңнамасына сәйкес қолданылады.       Әуе кемесін (ұшу аппаратын) басып алу (ұшырып әкету) және (немесе) әуе кемесін (ұшу аппаратын) террористік акт жасау үшін  пайдалану мүмкіндігі туралы нақты ақпарат болмаған кезде қару мен жауынгерлік техника атып түсіру үшін қолданылмайды.       Әуе кеңістігінде террористік акт жасау және (немесе) әуе кемесін (ұшу аппаратын) басып алу (ұшырып әкету) қаупін болғызбау не әуе кеңістігіндегі осындай террористік актінің жолын кесу жөніндегі іс-шараларды жүргізу барысында Тараптардың ұлттық заңнамасына сәйкес лауазымды адамдардың іс-қимылдарын құжаттау (тіркеу) жүзеге асырылады. 

   V. Терроризмге қарсы өзара іс-қимылдарды жетілдіру шаралары 

      Өзара іс-қимылды жетілдіру, сондай-ақ әскери басқару органдарының әуе кеңістігінде террористік акт жасау қаупі туындаған және (немесе) әуе кемесін (ұшу аппаратын) басып алу (ұшырып әкету) кезінде іс-қимылдарға әзірлігін тексеру мақсатында Тәуелсіз Мемлекеттер Достастығына қатысушы мемлекеттер Қорғаныс министрлерінің кеңесі жанындағы Әуе шабуылына қарсы қорғаныс мәселелері жөніндегі үйлестіру комитеті жыл сайын ТМД-ға қатысушы мемлекеттер ӘШҚҚ біріккен жүйесі күштерінің ӘШҚҚ жөніндегі кезекшілерінің іс-қимылдары бойынша бірлескен жаттығулар әзірлейді және өткізеді. 

      Осымен қоса беріліп отырған мәтін 2011 жылғы 3 қыркүйектегі Душанбе қаласында болып өткен Тәуелсіз Мемлекеттер Достастығы Мемлекеттері басшыларының кеңесінде қабылданған Тәуелсіз Мемлекеттер Достастығына қатысушы мемлекеттер күштерінің әуе шабуылына қарсы қорғаныс жөніндегі кезекшілерінің әуе кемесін басып алу (ұшырып әкету) туралы ақпаратты алған кездегі іс–қимылдарын ұйымдастыру туралы келісімнің аутентикалық көшірмесі болып табылатынын растаймын. Аталған Келісімнің түпнұсқа данасы Тәуелсіз Мемлекеттер Достастығының Атқару комитетінде сақталады. 

      ТМД Атқару хатшысы -       Атқару комитеті Төрағасының       бірінші орынбасары                    В. Гаркун 

      Орыс тіліндегі мәтінге сәйкес мемлекеттік тілге аударылды. 

      Қазақстан Республикасы       Қорғаныс министрлігі       Халықаралық ынтымақтастық       департаменті бастығының орынбасары       полковник                                  Ә. Кулбаев 

Қазақстан Республикасының  

Президенті   

© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК  

      Конституция Заң Кодекс Норматив Жарлық Бұйрық Шешім Қаулы Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы  Заң компаниясы