Түсініктеме 132-бабына Ұсталған адамды жеке тінту Қазақстан Республикасы Қылмыстық-процестік кодексінің
Ұстауды жүзеге асыратын адам осы Кодекстің 255-бабында көзделген қағидаларды сақтай отырып, ұсталған адамның өзімен бірге қаруы не қару ретінде пайдаланылуы мүмкін заттары немесе айналымға тыйым салынған және дәлелдемелер ретінде пайдаланылуы мүмкін өзге де заттары бар деп пайымдауға негіздер болған кезде не ол қылмыстық құқық бұзушылық жасағанын әшкерелейтін дәлелдемелерден құтылуға әрекет жасайды деп пайымдауға негіздер болған кезде немесе басқа да қажетті жағдайларда ұсталған адамға дереу жеке тінту жүргізуге құқылы.
Ұсталған адамға жеке тінту жүргізудің заңда көзделген қажетті жағдайлары немесе негіздері қылмыстық құқық бұзушылықтарды ашу мен тергеп-тексерудің, қылмыстық іс бойынша дәлелдемелер жинаудың практикалық қажеттіліктеріне сәйкес келеді және олар болған жағдайда адам нақты ұсталғаннан кейін міндетті түрде жеке тінту жүргізумен аяқталуға тиіс.
Күдіктіні ұстау стандарттарына сәйкес жеке тінту оның нақты ұсталған жерінде, яғни алғаш рет ұсталған орнында және барлық жағдайларда жүргізілуге тиіс. Демек, мұндай жағдайларда жеке тінту хаттамасы ұстау хаттамасынан бұрын жасалуы мүмкін, алайда оның нәтижелері туралы мәліметтер ұстау хаттамасында көрсетілуге тиіс (ҚПК-нің 131-бабы 2-бөлігінің 4-тармағы). Күдікті қылмыстық қудалау органының қызметтік үй-жайында ұсталған кезде заң жеке тінту хаттамасын жасауды талап етпейді, өйткені жеке тінтудің нәтижелері ұстаудың бірыңғай хаттамасында бекітіледі (ҚПК-нің 131-бабы 2-бөлігінің нормаларына түсініктемені қараңыз).
Күдіктіні нақты ұстау кезінде оған жеке тінту жүргізу үшін заң арнайы қаулы шығаруды, тергеу судьясының санкциясын алуды және куәгерлердің қатысуын талап етпейді (ҚПК-нің 255-бабы 3-бөлігінің 2-тармағы). Жеке тінту хаттамасының оны жасаған адам мен күдікті қол қойған көшірмесі барлық жағдайларда күдіктіге қолхат арқылы табыс етіледі (ҚПК-нің 256-бабы 4-бөлігі).
Қазақстан Республикасының Қылмыстық-процестік кодексіне 2020 жылғы түсініктеме, заң ғылымдарының докторы, Қазақстанның құрметті заңгері, профессор, Қазақстан Ұлттық жаратылыстану ғылымдары академиясының академигі, Қазақстан Республикасы Ішкі істер министрлігінің еңбек сіңірген қызметкері Марат Чекишевич Когамов.
Конституция Заң Кодекс Нормативтік акт Указ Бұйрық Шешім Қаулы Адвокат Алматы заңгері Заңгерлік қызмет Заңгерлік консультация Азаматтық Қылмыстық Әкімшілік істер мен даулар Қорғау Төрелік Қазақстанның заң компаниясы Адвокаттық кеңсе Сот істері Декларация Жарлық Бұйрық Қаулы Шешім Баяндама Қорытынды Өтініш Қорытынды Конвенция Шарт Меморандум Әдістеме Нормалар Нота Қағидалар Бағдарлама Жарғы Хартия Бап Түсініктеме Резолюция Регламент Хаттама Жоба Бағдарлама Қағидалар Жолдаулар
