Тергеушіге алып қою туралы өтінішхат
ҚР ІІМ Алматы облысы ПД ТБ тергеушісі
Мұқышев А.Н.-ға
Қонаев қ., Индустриялық көшесі, 1.
Жәбірленушінің өкілінен:
Кеңесбек Ислам Мұхамедұлы
ЖСН 970103300774
«Заң және Құқық» адвокаттық кеңсесі
БСН 201240021767
Алматы қ., Абылай хан даңғылы, 79-үй, 304-кеңсе.
+7 708 971 78 58.
Жәбірленуші А.И.С.-тің мүддесінде
ЖСН 7.3
Алматы қ., Ж... көшесі, 3-үй.
ӨТІНІШХАТ
алып қою туралы
Алматы облысы ПД ТБ тергеушісі Мұқышев А.Н.-ның өндірісінде А.И.С.-тің З.Б.Н.-ға қатысты алаяқтық фактісі бойынша арызы негізінде қозғалған қылмыстық іс бар, ол Қазақстан Республикасы Қылмыстық-процестік кодексінің (бұдан әрі – ҚПК) 190-бабы шеңберінде қаралуда және СДТБТ-да №261900031000268 болып тіркелген.
Қазақстан Республикасы Қылмыстық-процестік кодексінің 71-бабы 1-бөлігінің 3) тармағына сәйкес, жәбірленушінің дәлелдемелерді ұсынуға құқығы бар.
Сондай-ақ, Қазақстан Республикасы Қылмыстық-процестік кодексінің 122-бабының 4-бөлігіне сәйкес, ауызша немесе жазбаша нысандағы не электрондық құжат нысанындағы мәліметтерді, сондай-ақ оларды қылмыстық іс бойынша дәлелдемелер ретінде іске қоса тіркеу үшін заттар мен құжаттарды күдікті, айыпталушы, қорғаушы, жекеше айыптаушы, жәбірленуші, азаматтық талапкер, азаматтық жауапкер және олардың өкілдері, сондай-ақ кез келген азаматтар мен ұйымдар ұсынуға құқылы.
Жәбірленушінің иелігінде «GERLAX» маркалы USB-флеш-жинақтауыш бар, онда Закирьяров Б.Н.-мен болған әңгімелердің қылмыстық іс үшін елеулі маңызы бар бейне- және аудиожазбалары сақталған. Аталған жазбалар бастапқыда жәбірленушінің «Samsung Galaxy Z Flip 3» маркалы ұялы телефонында жасалып, сақталған, кейіннен олардың көшірмесі ұялы телефоннан «GERLAX» маркалы USB-флеш-жинақтауышқа көшірілген.
Атап айтқанда, жазбаларда ақшалай қаражатты алу, оларды қайтармау, қамтамасыз ету ретінде ұсынылған станоктардың үшінші тұлғаға тиесілі болуы, сондай-ақ Закирьяров Б.Н.-ның ақшалай қаражатты алған кездегі бастапқы ниетіне қатысты айтқан сөздері туралы мән-жайларға қатысты әңгімелер жазылған. Жазбалардың бар екендігі және олардың мазмұнының бір бөлігі бұған дейін жәбірленушінің қылмыстық құқық бұзушылық жасалғаны туралы арызында тікелей көрсетілген.
Аталған жазбаларды зерттеу, ең алдымен, Закирьяров Б.Н.-да қылмыстық ниеттің қашан пайда болғанын анықтау үшін қажет. Жазбаларда оның жәбірленушіден алған ақшалай қаражатты бастапқы кезден бастап қайтаруды көздемегені туралы айтқан сөздері бар, яғни ол жәбірленушіні алдап, адастырғанын мойындаған. Бұл мән-жай бөтеннің мүлкін алдау немесе сенімді теріс пайдалану жолымен иемденуге бағытталған пайдакүнемдік ниеттің болған-болмағанын тексеру үшін тікелей маңызға ие.
Сонымен қатар, аудиожазбада Закирьяров Б.Н.-ның жәбірленушіге өзіне тиесілі мүлік және ақшалай қаражатты қайтаруды қамтамасыз ету ретінде ұсынған мүліктің іс жүзінде үшінші тұлғаларға тиесілі болғаны туралы мәліметтер бар. Аталған мән-жай да жәбірленушінің адасуына себеп болған.
Көрсетілген мән-жайлар алаяқтықты азаматтық-құқықтық міндеттемені жай ғана орындамаудан ажырату үшін елеулі маңызға ие және қылмыстық іс бойынша басқа да дәлелдемелермен жиынтықта тексеріліп, бағалануға тиіс.
Жоғарыда баяндалғандардың негізінде және Қазақстан Республикасы Қылмыстық-процестік кодексінің 253 және 254-баптарын басшылыққа ала отырып,
СІЗДЕН СҰРАЙМЫН:
- Жәбірленуші А.И.С.-ке тиесілі «G.X» маркалы USB-флеш-жинақтауышта сақталған З.Б.Н. мен Абдуллаев И.С. арасындағы әңгімелердің аудио- және бейнежазбаларын алып қоюды.
- Ондағы жазбаларды қарап-тексеруді және зерттеуді жүргізіп, олардың мазмұнын тиісті хаттамаға тіркеуді.
Құрметпен,
Жәбірленушінің өкілі: Кеңесбек И.М.
Назар аударыңыз!
«Заң және Құқық» адвокаттық кеңсесі, бұл құжаттың жалпылама екендігіне және нақты сіздің жағдайыңыздың талаптарына сәйкес келмеуі мүмкіндігіне көңіл бөлуіңізді сұрайды. Біздің заңгерлер сіздің нақты жағдайыңызға сәйкес келетін кез келген құқықтық құжатты әзірлеп көмектесуге дайын.
Қосымша ақпарат алу үшін Заңгер/Адвокат телефонына хабарласуыңызға болады: +7 (708) 971-78-58; +7 (700) 978 5755, +7 (700) 978 5085.
Адвокат Алматы Заңгер Қорғаушы Заң қызметі Құқық қорғау Құқықтық қөмек Заңгерлік кеңсе Азаматтық істері Қылмыстық істері Әкімшілік істері Арбитраж даулары Заңгерлік кеңес Заңгер Адвокаттық кеңсе Қазақстан Қорғаушы Заң компаниясы
